Manhaj-e-Salaf Kalyan @[email protected]
2.9K subscribers - no pronouns :c
This Channel posts Islamic Lectures with an aim to retaliate
Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
"Agar Koi Shakhs Salafi Ho, To Chahe Woh Geography Ya Hisaab (Mathematics) Ka Dars De Raha Ho, Tum Uski Duroos Aur Majalis Mein Manhaj-E-Salaf Ki Jhalak Zaroor Dekhoge."
~Shaikh, Muhaddith Rabee’ Bin Haadi Al-Madkhali Hafizahullah
25 - 0
Urdu Mein Post Ke Liye Scroll Karein!!
#Jahez_Ke_Jawaz_Ke_Qaileen_Ka_Ek_Shub'ha_Aur_Us_Ka_Ezala
*Kalim Yusuf*
Kuch Log Jahez Lene Ki Daleel Yeh Dete Hain Ke Nabi Sallallahu Alaihi Wa Sallam Ne Apni Beti Fatimah Razi Allahu Anha Ko Jahez Mein Kuch Gharelu Samaan Diya Tha, Is Daleel Ki Bunyad Par Agar Koi Apni Beti Ko Gharelu Samaan De To Koi Muzaaiqa Nahi Hai.
Yeh Bahut Bara Mughalta Hai Jise Log Jahez Ke Jawaz Ke Liye Pesh Karte Hain.
Muhtaram Qari'een: Nabi Akram Sallallahu Alaihi Wa Sallam Ne Apni Beti Ko Jo Samaan Diya Tha Us Ke Do Bunyadi Asbaab They.
Pehla: Ali Razi Allahu Anhu Ahd-e-Tufulat Se Hi Nabi Kareem Sallallahu Alaihi Wa Sallam Ki Zer-e-Tarbiyat They, Aur Un Ki Saari Zimmedari Bhi Nabi Sallallahu Alaihi Wa Sallam Par Thi.
Dusra: Ali Razi Allahu Anhu Ke Paas Rehne Ke Liye Na Ghar Tha Aur Na Hi Maeeshat-e-Zindagi Ke Liye Saaz-wa-Samaan.
Isi Wajah Se Nabi Akram Sallallahu Alaihi Wa Sallam Ne Un Ke Liye Zaroori Samaan Muhayya Kiya.
Dusri Taraf Aap Dekhein Ke Nabi Akram Sallallahu Alaihi Wa Sallam Ne Apni 3 Betiyon Ki Shadi Karai Jahan Kisi Qism Ke Jahez Ka Koi Tazkira Nahi Milta, Jis Se Saaf Wazeh Hota Hai Ke Woh Jahez Nahi Tha Balki Nabi Akram Sallallahu Alaihi Wa Sallam Ali Razi Allahu Anhu Ki Kifalat Karte They Isi Wajah Se Zaruriyat-e-Zindagi Ka Samaan Diya.
Agar Jahez Dene Wale Hazraat Bhi Apni Beti Ke Liye Koi Aisa Ghareeb Larka Talash Karte Hain, Jo Nihayat Nek Aur Khuda Tars Ho, Us Ke Paas Rehne Aur Zindagi Guzarne Ke Asbaab Muyassar Na Hon To Woh Us Ka Taawun Zaroor Kar Sakte Hain, Taaham Use Jahez Ka Naam Na Diya Jaye Balki Use Taawun wa Hamdardi Se Tabeer Kiya Jaye, Kyun Ke Islam Mein Jahez Ka Koi Tasawwur Nahi.
Lekin Aaj Ke Zamane Mein Achchi Naukri, Achcha Ghar Dekh Kar Hi Shadi Ki Jati Hai, To Phir Ladke Ko Jahez Dene Ka Matlab Yehi Hai Ke Ladke Ke Paas Sab Cheezein Maujood Hone Ke Bawajood Ladka Nakara Hai, Neez Nabi Kareem Sallallahu Alaihi Wa Sallam Ke Is Amal Ko Apni Khwahish-e-Nafs Ki Takmeel Aur Jahez Jaisi Laanat Ke Jawaz Ke Liye Pesh Karna Nusoos Mein Tahreef-e-Ma’navi Ke Mutaradif Hai, Aur Ho Sakta Hai Ke Tahleel Ma Harram Allah Ke Daire Mein Aa Jaye.
Allahul Musta’aan.
*Abu Ahmad Kaleem-Ud-Deen Yusuf*
Jamia Islamia Madinah Munawwarah
*.......................Urdu.....................*
#جہیز_کے_جواز_کے_قائلین_کا_ایک_شبہ_اور_اس_کا_ازالہ
Kalim Yusuf
کچھ لوگ جہیز لینے کی دلیل یہ دیتے ہیں کہ نبی صلی اللہ علیہ و سلم نے اپنی بیٹی فاطمہ رضی اللہ عنہا کو جہیز میں کچھ گھریلو سامان دیا تھا، اس دلیل کی بنیاد پر اگر کوئی اپنی بیٹی کو گھریلو سامان دے تو کوئی مضائقہ نہیں ہے.
یہ بہت بڑا مغالطہ ہے جسے لوگ جہیز کے جواز کیلئے کیش کرتے ہیں.
محترم قارئین: نبی اکرم صلی اللہ علیہ وسلم نے اپنی بیٹی کو جو سامان دیا تھا اس کے دو بنیادی اسباب تھے.
پہلا: علی رضی اللہ عنہ عہد طفولت سے ہی نبی کریم صلی اللہ علیہ وسلم کی زیرِ تربیت تھے، اور ان کی ساری ذمہ داری بھی نبی صلی اللہ علیہ و سلم پر تھی.
دوسرا: علی رضی اللہ عنہ کے پاس رہنے کیلئے نہ گھر تھا اور نا ہی معیشتِ زندگی کیلئے ساز وسامان.
اسی وجہ سے نبی اکرم صلی اللہ علیہ وسلم نے ان کیلئے ضروری سامان مہیا کیا.
دوسری طرف آپ دیکھیں کہ نبی اکرم صلی اللہ علیہ وسلم نے اپنی تین بیٹیوں کی شادی کرائی جہاں کسی قسم کے جہیز کا کوئی تذکرہ نہیں ملتا، جس سے صاف واضح ہوتا ہے کہ وہ جہیز نہیں تھا بلکہ نبی اکرم صلی اللہ علیہ وسلم علی رضی اللہ عنہ کی کفالت کرتے تھے اسی وجہ کر ضروریات زندگی کا سامان دیا.
اگر جہیز دینے والے حضرات بھی اپنی بیٹی کیلئے کوئی ایسا غریب لڑکا تلاش کرتے ہیں، جو نہایت نیک اور خدا ترس ہو، اس کے پاس رہنے اور زندگی گذارنے کے اسباب میسر نہ ہوں تو وہ اس کا تعاون ضرور کر سکتے ہیں، تاہم اسے جہیز کا نام نہ دیا جائے بلکہ اسے تعاون و ہمدردی سے تعبیر کیا جائے، کیوں کہ اسلام میں جہیز کا کوئی تصور نہیں.
لیکن آج کے زمانے میں اچھی نوکری، اچھا گھر دیکھ کر ہی شادی کی جاتی ہے، تو پھر لڑکے کو جہیز دینے کا مطلب یہی ہے کہ لڑکا کے پاس سب چیز موجود ہونے کے باوجود لڑکا ناکارہ ہے، نیز نبی کریم صلی اللہ علیہ وسلم کے اس عمل کو اپنی خواہش نفس کی تکمیل اور جہیز جیسی لعنت کے جواز کیلئے پیش کرنا نصوص میں تحریف معنوی کے مترادف ہے، اور ہو سکتا ہے کہ تحلیل ما حرم اللہ کے دائرے میں آجائے.
اللہ المستعان.
ابو احمد کلیم الدین یوسف
جامعہ اسلامیہ مدینہ منورہ
11 - 0
Sheikh Albani Rahimahullah Se Ek Sawaal Kiya Gaya: Kuch Log Kehte Hain: Tauheed, Aqeedah Saheehah Aur "Manhaj e Salaf" Ki Taraf Da'wat Dene Se Logon Mein Ikhtilaf Aur Tafarqa Paida Hota Hai, Un Ke Baare Mein Aap Kya Farmaate Hain?
Sheikh Albani Rahimahullah Jawaab Mein Farmaate Hain: Allahu Akbar! Kya Is Zamane Mein Aise Log Bhi Maujood Hain Jo Tauheed, Kitaab wa Sunnat Aur "Manhaj e Salaf Saliheen" Ki Taraf Da'wat Dene Ko Ummat Mein Ikhtilaf Aur Intishar Ka Sabab Maante Hain? Sub'haan Allah! Dhaalikal Qaul Huwa Ad-Dhalaal Al-Baeed. Ye To Badi Gumraahi Wali Baat Hai...
(Mausu'at Al-Albani Fil Aqeedah [2/85])
32 - 0
🎓 Aalim Ki Sifaat
🖊 Ash-Shaikh Al-Allamah Abdul Salam Bin Barjis Rahimahullah Ne Farmaya:
✍ "Bahut Kam Log Hain Jo 'Aalim' Kehlaane Ke Laiq Hain
✍ Aur Agar Hum Yeh Kahein Keh Woh Nayaab Hain To Mubalagha Aaraai Nahi Hogi
✍ Kyunkeh Ek Aalim Ki Aisi Khoobiyaan Hoti Hain, Jin Mein Se Aksar Ka Itlaaq Aaj Ke Aalim Honay Ka Daawa Karne Walon Par Nahi Hota.
✍ Aalim Woh Nahi Hai Jo Fasih wa Baleegh Ho, Aur Aalim Woh Bhi Nahi Hai Jis Ne Koi Kitaab Likhi Ho, Koi Kitaab Shaai Ki Ho, Ya Kisi Makhtoota Ki Tehqeeq Ki Ho Ya Use Tehqeeq Ke Baad Shaai Kiya Ho.
✍🏽 Haalaankeh Bad-Qismati Se, Bahut Se Ahl-e-Ilm Ke Zehnon Mein Yahi Hai.
✍🏿 Aur Yahi Wajah Hai Keh Bahut Se Aam Log Fasih wa Baleegh Ghair Aalim Musannifeen Ke Fareb Mein Aa Gaye Aur Un Ki Tareef Ke Pul Baandhne Lage.
✍ Jabkeh Haqeeqi Aalim Woh Hai Jo Shara’i Uloom Se Waaqif Ho Aur Kitaab wa Sunnat Ke Aam Ahkaam Ka Maahir Ho, Nasikh wa Mansookh, Mutlaq wa Muqayyad, Aur Mujmal wa Mufassar Ka ilm Rakhta Ho Aur Sath Hi Jin Umoor Mein Salaf Ke Darmiyan Ikhtilaaf Ho Un Ke Aqwaal Se Bhi Aagah Ho.
📼["Man Hum Al-Ulama" Cassette]
11 - 5
Mashāyikhunā...
62 - 11
Brothers Ke Liye Ulama-e-Haq Ki Mukhalifat..
"Aaj Kal Humare Muashray Ki Haalat Yeh Ho Gayi Hai Keh Ghair-Ulama Ki Himayat Mein Khaday Ho Kar, Ulama Ki Mukhalifat Shuru Kar Di Jati Hai. Jabkeh Yeh Halakat Ka Raasta Hai, Yeh Gumraahi, Nifaq Aur Fisq Ka Raasta Hai, Aur Yeh Firqa Bandi Ka Raasta Hai.
Ulama-E-Haq Ki Mukhalifat Rooye Zameen Par Ek Bahut Bada Gunaah Hai, Kyunkeh Ulama-E-Haq Ambiya Ke Waaris Hain."
~✍ Shaikh Abdus Salam Salafi Hafizahullah
22 - 0
Maujooda Halaat Aur Humari Zimmedari!!
Deen Mukammal Rehnuma Hai: Islam har mas'ale aur har lamhe mein hamari rehnumai karne wala deen hai. Qayamat tak koi aisa mas'ala paida nahi hoga jiska hal aur rehnumai hamare deen (Allah ki kitab, Nabi ﷺ ki sunnat, aur Sahaba ki zindagi) mein na ho.
Aazmaisheiñ Aayengi: Zindagi mein aane wali mushkilaat, pareshaniyañ (mulk ke halaat, ummat ke masail, zaati pareshaniyañ, deeni masail, madaris-o-masajid ke masail) Allah ta'ala ki taraf se aazmaish hain aur yeh aati rahengi. Yeh Allah ka "kayenaati nizaam" (universal system) aur "sunnat-e-kauniyah" hai. Jitna eeman hoga, utni aazmaish hogi.
Aazmaishoñ Mein Kya Kareiñ:
Allah ki madad kareiñ: Mushkil halaat mein apni zimmedariyoñ ko pehchaneiñ. Apne eeman, aqeede, amaal, akhlaq, aur kirdaar ka jaaiza leiñ. Allah ke deen ki madad kareiñ (Tawheed par qayam raheiñ, Sunnat ko apnayeiñ, halal-o-haram ki pabandi kareiñ, faraiz ada kareiñ). Jab hum Allah ke deen ki madad karenge, toh Allah hamari madad karega.
Sabr aur Taqwa Ikhtiyaar kareiñ: Har haal mein sabit qadmi aur Allah ka dar (parhezgari) apnayeiñ. Yahi asal himmat aur azm ka kaam hai. Jazbaatiyat, be-maqsad ehtejaj aur naarebaazi se masail hal nahi hote.
Sabr aur Taqwe Ka Natija - Dushman Kuch Nahi Bigaad Paayenge* : Allah ta'ala ka Quran mein waada hai ke agar tum Sabr karoge aur taqwa ikhtiyar karoge to dushmanoñ ki chaaleiñ aur saazisheiñ tumhara kuch bhi nuqsan nahi kar sakengi.
Allah Par Mukammal Yaqeen Rakheiñ: Tamam mushkilaat mein Allah ta'ala par pukhta yaqeen rakheiñ ke woh hi madadgaar hai aur woh hi mominoñ ki hifazat karne wala hai. Saari ummeedeiñ jab toot jaayeiñ, Allah ka darwaza hamesha khula rehta hai. (Hazrat Musa alaihissalam ka waqia aur unka qaul "Kalla, inna ma'iya Rabbi sayahdeen" yaad rakheiñ).
Khabroñ Mein Uljheiñ Nahi, Deeni Taleemat Par Tawajjoh Deiñ: Duniya mein kya ho raha hai, iski sirf aagahi rakheiñ, lekin is mein gharq na hoñ. Asal kaam yeh hai ke in halaat mein Kitab-o-Sunnat ki roshni mein zindagi kaise guzarni hai, iski fikr kareiñ. Media, social media, aur afwaahoñ ke peeche apna waqt zaya na kareiñ.
Ulama-e-Haq Se Wabasta Raheiñ: Is daur mein, jab Nabi ﷺ maujood nahi, unke waris sacche Ulama-e-Kiraam hain. Unse jude raheiñ, unki rehnumai hasil karein, aur unki taleemat par amal kareiñ. Jaldbaazi aur bechaini se bacheiñ.
https://youtu.be/yvlWsl7uE0A
7 - 0
Khud Ko Ahl-e-Hadees Kehlaane Mein Fakhr Mehsoos Karein
Aaj Ke Pur-Ashob Daur Mein, Jab Mukhtalif Firqo’n Ke Darmiyan Fikri Aur Amali Ikhtilaafaat Ka Shor Har Samat Se Buland Hai, Aise Mein Ek Bedar Zehan Aur Haq Ka Mutalashi, Jo Waqai Qur’an Aur Sunnat Ko Apna Tareeqa Banata Hai, Aur Manhaj-e-Salaf Ki Saaf wa Shaffaf Raahon Par Gaamzan Hone Ka Da’wa Karta Hai, Usay Chahiye Keh Apne Aqeedah Wa Amal Ki Durusti, Aur Fitno’n Ke Aaseb Se Bachao Ke Liye:
يَا أَيُّهَا الَّذِينَ آمَنُوا اتَّقُوا اللَّهَ وَكُونُوا مَعَ الصَّادِقِينَ
Ki Roshni Mein Apni Shanakht Wazeh Karein. Woh Bila Khauf Wa Taraddud Khud Ko Ahl-e-Hadees Kahe Aur Us Par Elaan e Da’wat De.
Zamane Ki is Dhund Mein Jahan Har Firqah Kitaab Wa Sunnat Par Amal Ka Naara Buland Karta Hai, Sawaal Yeh Hai Keh Haqeeqat Mein Is Da’we Ke Andar Kon Sachcha Hai? Ghaur Kijiye! Allah Rabbul izzat Ne Wahi:
" وَكُونُوا مَعَ الصَّادِقِين"
Farma kar Musalmanon Mein Tameez Ki — Yani Sachchay Musalmanon Ke Saath Rehne Ka Hukm Diya. Iska Matlab Yeh Hai Keh Mehaz Zabani Da’wa Aur Tashheer Kaafi Nahin, Balkeh Sidq Aur Sachchai Ko Bataur Meezan Apnana Lazmi Hai.
Pas, Is Meezan Par Agar Koi Khara Utarta Hai To Woh Jama’at Ahl-e-Hadees Hai, Jo Na Faqat Da’wa Karti Hai, Balkeh Apne Qaul Wa Amal Se Saabit Karti Hai Keh Wahi Sachchai Ke Saath Hai. Lihaza, Apne Imaan Ki Hifazat Aur Haq Ki Pairwi Ka Wahid Raasta Yahi Hai Keh Khud Ko Ahl-e-Hadees Kehlaane Mein Fakhr Mehsoos Karein, Aur Logon Ko Bhi Is Sachchi Jama’at Ki Taraf Da’wat Dein.
_~ Shaikh Altafur Rehman Madani Hafizahullah_
28 - 2
"Shaytan Aadmi Ke Dil Ka Mutaala Karta Hai Taake Woh Dekhe Ke Woh Kis Cheez Ki Taraf Jhukta Hai (Aur Kis Fitne Mein Mubtala Ho Sakta Hai)."
~ Shaikh Abdul Razzaq Al Badr Hafizahullah
22 - 0
Hajj Map for easy understanding in English, Urdu and Hindi.
12 - 0
This Channel posts Islamic Lectures with an aim to retaliate against all the fitan that are currently widespread in our society with the Wisdom and knowledge of the Salaf ( The first three best Generations ).
If you are interested in knowing about Islamic Rulings and want to learn from Ulama, do consider subscribing the Channel and keep the notification on for any Updates.
Note : The Videos uploaded on this Channel are from the Weekly Dars of Jama Masjid Ahle Hadees, Kalyan and of Dars from all the Ahle-Hadees Masajid of Kalyan